بیلجیئم کے بادشاہ کے بھائی شہزادہ لارینٹ نے سابق کار سیلز مین 26 سالہ کلیمنٹ وانڈن کرک ہووے کو اپنا بیٹا تسلیم کرلیا جس کے بعد وہ باضابطہ طور پر شاہی خاندان کا حصہ اور شہزادہ بن گئے۔
رپورٹس کے مطابق کلیمنٹ کو رواں سال فروری میں ایک مختصر اور غیر رسمی تقریب کے دوران شاہی خاندان میں شامل کیا گیا۔ شہزادہ لارینٹ نے گزشتہ سال پہلی بار عوامی طور پر کلیمنٹ کو اپنا بیٹا تسلیم کیا تھا۔
شہزادہ کلیمنٹ کو شاہی لقب کے ساتھ اپنے والد کی جائیداد میں وراثتی حق بھی حاصل ہوگا، تاہم وہ تخت کے جانشینی کے سلسلے میں شامل نہیں ہوں گے اور انہیں شاہی وظیفہ بھی نہیں ملے گا۔
کلیمنٹ کا کہنا ہے کہ وہ ابھی یہ فیصلہ نہیں کر سکے کہ شاہی خاندان کا نام ’وان ساکسن کوبرگ‘ اپنائیں یا نہیں کیونکہ انہیں اپنی والدہ کے نام پر فخر ہے۔