بالی ووڈ سپر اسٹار سلمان خان کی نئی فلم کی شوٹنگ کے دوران ان کے باڈی ڈبل کو دل کا دورہ پڑ گیا، جس کے باعث وہ کچھ عرصے تک ایکشن مناظر کی شوٹنگ نہیں کر سکیں گے۔
بھارتی میڈیا کے مطابق فلم SVC63 کی شوٹنگ کے دوران سلمان خان کے لیے اسٹنٹ کرنے والے باڈی ڈبل کی طبیعت اچانک خراب ہوئی بعد ازاں معلوم ہوا کہ انہیں دل کا دورہ پڑا ہے۔
رپورٹس کے مطابق باڈی ڈبل کی عدم دستیابی کے باعث سلمان خان نے فلم کے بعض مشکل ایکشن سین خود کرنے کا فیصلہ کیا ہے تاکہ شوٹنگ شیڈول متاثر نہ ہو۔
فلم کی ٹیم سلمان خان کے ایکشن سینز کی شوٹنگ احتیاط سے پلان کر رہی ہے جبکہ اداکار بھی فلم کی شوٹنگ بروقت مکمل کرنے کے لیے خاصی دلچسپی لے رہے ہیں۔