بھارت میں ایک نوجوان کی گاڑی پر گرل فرینڈ کی جانب سے بنائے گئے 3 ہزار 400 لپ اسٹک کے نشانات سوشل میڈیا پر وائرل ہوگئے جس کے بعد ٹریفک پولیس نے کارروائی کرتے ہوئے نوجوان کا چالان کردیا۔
میڈیا رپورٹ کے مطابق یہ دلچسپ واقعہ مدھیہ پردیش کے شہر گوالیار میں پیش آیا جہاں آدتیہ سیکروار کی گاڑی پر لپ اسٹک سے نشانات بنے ہوئے تھے۔
لڑکی نے محبت کے اظہار کے لیے غیر ملکی سوشل میڈیا ٹرینڈ سے متاثر ہوکر یہ نشانات بنائے جس میں اسے تقریباً 4 گھنٹے لگے۔
گاڑی کی تصاویر اور ویڈیوز وائرل ہونے کے بعد پولیس نے رجسٹریشن نمبر کی مدد سے گاڑی کے مالک کو تلاش کیا اور 5 ہزار 500 بھارتی روپے کا چالان کردیا۔
پولیس کارروائی کے بعد لڑکی نے اپنی غلطی تسلیم کی جبکہ نوجوان کو چالان ادا کرنے کے ساتھ گاڑی سے تمام نشانات بھی خود صاف کرنا پڑے۔