بھارتی شہر بنگلور کی ایک خاتون نے دفتر میں مسلسل سگریٹ کے دھوئیں سے تنگ آکر ملازمت چھوڑ دی، جس کے بعد استعفے کا اسکرین شاٹ سوشل میڈیا پر وائرل ہوگیا۔
جھانوی چاوڈا نامی خاتون نے بتایا کہ دفتر میں بعض ملازمین پینٹری اور کھانے کے علاقے میں سگریٹ نوشی کرتے تھے جبکہ دھواں بعد میں دفتر کے دیگر حصوں تک بھی پھیل جاتا تھا۔
خاتون کے مطابق انہوں نے حالات سے مطابقت پیدا کرنے اور ماسک پہننے کی کوشش بھی کی تاہم مسئلہ حل نہ ہونے پر انہوں نے استعفیٰ دینے کا فیصلہ کیا۔
ان کی پوسٹ کو 50 لاکھ سے زائد بار دیکھا جاچکا ہے اور سوشل میڈیا صارفین نے کام کی جگہ پر سگریٹ نوشی کے اثرات اور ملازمین کے حقِ صحت پر بحث شروع کردی ہے۔