کینیڈا کے صوبے برٹش کولمبیا کے وِلسٹن ریزروائر میں درختوں سے ڈھکا ایک پراسرار جزیرہ اچانک نمودار ہوگیا جس نے مقامی افراد اور حکام کو حیران کردیا۔
سیٹلائٹ تصاویر سے تصدیق ہوئی کہ تقریباً ایک لاکھ 5 ہزار 486 مربع فٹ رقبے پر پھیلا جزیرہ 20 جولائی کو موجود تھا تاہم 5 اگست تک سیٹلائٹ ڈیٹا سے مکمل طور پر غائب ہوگیا۔
حکام کے مطابق امکان ہے کہ یہ جزیرہ پانی میں ڈوبنے کے بجائے ریزروائر کے نسبتاً محفوظ حصے یا کنارے کی جانب منتقل ہوگیا ہو۔ مزید تصاویر کا جائزہ لے کر پراسرار جزیرے کے بارے میں معلومات حاصل کی جا رہی ہیں۔