سنگاپور حکومت نے شرحِ پیدائش میں کمی پر قابو پانے کے لیے والدین کے لیے بڑا مالی پیکیج متعارف کرا دیا۔
وزیراعظم لارنس وونگ کے مطابق سنگاپور میں پیدا ہونے والے ہر شہری بچے کو 17 سال کی عمر تک مجموعی طور پر 55 ہزار 48 ڈالرز سے زائد مالی معاونت فراہم کی جائے گی۔
یہ رقم بچے کی پیدائش سے لے کر 17 سال کی عمر تک مختلف مراحل میں دی جائے گی جس میں پیدائش کے بعد نقد امداد، سالانہ معاونت، چائلڈ ڈویلپمنٹ اکاؤنٹ اور اعلیٰ تعلیم کے اخراجات شامل ہیں۔
حکومت کا مقصد بچوں کی پرورش کے مالی بوجھ کو کم کرنا اور ملک میں تیزی سے کم ہوتی شرحِ پیدائش کو بہتر بنانا ہے۔ سنگاپور میں فی خاتون بچوں کی شرحِ پیدائش 0.87 کی ریکارڈ کم سطح تک پہنچ چکی ہے۔