چین کے صوبے یوننان کے نِژوہے گرینڈ کینین میں بچوں کو خطرناک پہاڑی راستے سے اسکول پہنچانے کے لیے 288 میٹر بلند دوسری لفٹ بھی فعال کردی گئی۔
2022 میں 268 میٹر بلند پہلی لفٹ تعمیر کی گئی تھی، جس سے بچوں کا کئی گھنٹوں پر مشتمل دشوار پہاڑی سفر چند منٹوں میں ممکن ہوگیا تھا۔ تاہم سیاحوں کی بڑھتی تعداد کے باعث لفٹ پر رش بڑھ گیا۔
نئی فُویاؤ لفٹ کے فعال ہونے سے انتظار کا وقت تقریباً نصف ہوگیا ہے جبکہ بچوں کا گھر سے اسکول تک مجموعی سفر اب تقریباً 30 منٹ میں مکمل ہوجاتا ہے۔ اس سے قبل صرف ایک طرف کا پہاڑی سفر تقریباً 3 گھنٹے لیتا تھا۔