چین کے شہر چانگژو میں بارش اور گرج چمک سے چند منٹ قبل آسمان اچانک گلابی اور سرخی مائل ہوگیا جس نے شہریوں کو حیران کردیا۔ یہ غیر معمولی منظر تقریباً 7 سے 8 منٹ تک جاری رہا۔
ماہرین کے مطابق یہ کوئی غیر معمولی یا خطرناک واقعہ نہیں بلکہ سورج کی روشنی، فضا میں موجود نمی، باریک ذرات اور بادلوں کے باعث روشنی کے بکھرنے کا قدرتی مظہر تھا۔
ماہرین کا کہنا ہے کہ سورج افق کے قریب ہونے پر اس کی روشنی فضا کی زیادہ موٹی تہہ سے گزرتی ہے جس کے باعث سرخ، نارنجی اور گلابی رنگ زیادہ نمایاں دکھائی دیتے ہیں۔ چانگژو میں اس کے کچھ ہی دیر بعد شدید بارش اور گرج چمک بھی ہوئی۔