ابوظبی میں 64 سالہ پاکستانی شہری شوکت آفتاب نے لاٹری میں 1 کروڑ 50 لاکھ درہم کا انعام جیت لیا۔ لاٹری انتظامیہ نے پاکستان میں فون کرکے انہیں خوشخبری سنائی تو شوکت آفتاب نے اسے فراڈ کال سمجھ کر یقین کرنے سے انکار کردیا۔
انتظامیہ کی ہدایت پر جب انہوں نے لاٹری کی ویب سائٹ پر اپنا ٹکٹ نمبر چیک کیا تو خوشی کے ساتھ انہیں اپنی کامیابی کا یقین ہوگیا۔ شوکت آفتاب گزشتہ 15 برس سے باقاعدگی سے لاٹری ٹکٹ خرید رہے تھے اور بالآخر ان کی یہ کوشش بڑے انعام میں بدل گئی۔
اسی قرعہ اندازی میں چار بھارتی شہریوں اور ایک بنگلادیشی شہری نے بھی ایک، ایک لاکھ درہم کا انعام حاصل کیا۔