کیلے جلدی پکنے اور بھورے ہونے سے بچانے کے لیے ماہرین نے ایک آسان گھریلو طریقہ بتادیا۔ کیلے کے ڈنٹھل کے گرد ایلومینیم فوائل لپیٹنے سے پکنے کا عمل سست کرنے اور انہیں زیادہ دیر تک تازہ رکھنے میں مدد مل سکتی ہے۔
ماہرین کے مطابق کیلے ڈنٹھل سے ایتھیلین گیس خارج کرتے ہیں، جو پھل کے پکنے کے عمل کو تیز کرتی ہے۔ ڈنٹھل کو فوائل یا کلنگ فلم سے ڈھانپنے سے ایتھیلین کے پھیلاؤ کو کم کیا جاسکتا ہے۔
بہتر نتائج کے لیے کیلے الگ الگ کرکے ہر کیلے کے ڈنٹھل کو فوائل سے لپیٹیں اور انہیں براہِ راست دھوپ سے دور رکھیں۔ ماہرین کیلے کو سیب اور ایووکاڈو جیسے پھلوں سے الگ رکھنے اور ہک پر لٹکانے کا بھی مشورہ دیتے ہیں۔