اٹلی کے شہر ٹورین کے کیسلے ایئرپورٹ پر حکام نے ایک اطالوی شہری کے سامان سے معدومی کے خطرے سے دوچار مگرمچھ کا سر برآمد کرکے تحقیقات شروع کردی ہیں۔
اطالوی فنانشل پولیس کے مطابق مذکورہ مسافر میامی سے استنبول کے راستے اٹلی پہنچا تھا۔ مسافروں کی اضافی جانچ کے دوران سامان کی تلاشی لی گئی تو مگرمچھ کا سر برآمد ہوا، جسے خشک کرکے عام پیکنگ پیپر میں لپیٹا گیا تھا۔
حکام نے مگرمچھ کا سر قبضے میں لے لیا جبکہ مسافر کے خلاف ضروری اجازت نامے کے بغیر محفوظ نوع کے جانور کا سر منتقل کرنے کے الزام میں تحقیقات شروع کردی گئی ہیں۔
حکام کے مطابق جرم ثابت ہونے پر ملزم کو 20 ہزار سے 2 لاکھ یورو تک جرمانہ یا 6 ماہ سے ایک سال تک قید کی سزا ہوسکتی ہے۔ मगरمچھ ان جانوروں میں شامل ہیں جنہیں واشنگٹن کنونشن کے تحت تحفظ حاصل ہے۔