چین میں محکمہ جنگلات کے ماہرین نے شاندار کارنامہ انجام دیتے ہوئے شدید بارشوں سے گرنے والے 624 سال پرانے برگد کے درخت کو دوبارہ کھڑا کردیا۔
چینی صوبے فوجیان کے شہر ژانگژو میں موجود یہ تاریخی درخت طوفان ساؤڈیل اور کئی روز تک جاری رہنے والی شدید بارشوں کے باعث 3 ستمبر کو گر گیا تھا۔
ماہرین کی چار ٹیموں نے دن رات کام کرتے ہوئے درخت کی جڑوں کو نم رکھا اور 100 ٹن سے زائد وزنی برگد کو دوبارہ سیدھا کھڑا کردیا۔ کامیاب کوشش کے بعد درخت کو 9 ستمبر کو دوبارہ اپنی جگہ پر کھڑا کردیا گیا۔