سنگاپور نے شہریوں میں مطالعے کی عادت بڑھانے اور ڈوم اسکرولنگ کا رجحان کم کرنے کے لیے منفرد پروگرام شروع کردیا۔
پروگرام کے تحت روزانہ کم از کم 15 منٹ کتاب پڑھنے والے افراد کو 20 ورچوئل سکے دیے جائیں گے جبکہ 1000 سکوں کے عوض ایک سنگاپور ڈالر حاصل کیا جاسکے گا۔ یعنی ایک ڈالر کے لیے 50 مطالعہ سیشن مکمل کرنا ہوں گے۔
نیشنل لائبریری بورڈ کے مطابق پروگرام کا مقصد شہریوں میں توجہ مرکوز کرنے، تنقیدی سوچ اور تخیل کو فروغ دینا ہے۔
حکام کا کہنا ہے کہ روزانہ صرف 15 منٹ کے چھوٹے ہدف سے مطالعے کی مستقل عادت پیدا کی جاسکتی ہے۔