23 ستمبر کو اعتدال خریفی کا آغاز ہوگا جس کے بعد شمالی نصف کرے میں دن کا دورانیہ کم جبکہ راتیں طویل ہونا شروع ہوجائیں گی۔
اعتدال خریفی کے موقع پر سورج خط استوا کے عین اوپر ہوگا، جس کے باعث دنیا کے بیشتر حصوں میں دن اور رات کا دورانیہ تقریباً 12،12 گھنٹے ہوگا۔
اس موقع پر سورج تقریباً عین مشرق سے طلوع اور عین مغرب میں غروب ہوگا۔ اعتدال خریفی کے بعد شمالی نصف کرے میں موسم خزاں جبکہ جنوبی نصف کرے میں بہار کا آغاز ہوتا ہے۔
ماہرین کے مطابق زمین کے جھکاؤ اور سورج کے گرد گردش کے باعث سال میں مختلف اوقات میں دن اور رات کے دورانیے میں فرق پیدا ہوتا ہے۔ مارچ میں اعتدال ربیعی، جون میں موسم گرما کا انقلاب اور دسمبر میں موسم سرما کا انقلاب رونما ہوتا ہے۔