انٹرنیٹ پر انسان اور ہیومنائیڈ روبوٹ کے درمیان فائٹ کی ویڈیو تیزی سے وائرل ہوگئی جس میں انٹرنیٹ شخصیت فرینکی لاپینا نے 6 فٹ قد کے روبوٹ کا مقابلہ کیا۔
آر ای کے کے ایک ایونٹ میں ہونے والے مقابلے میں لاپینا نے روبوٹ پر متعدد مکے برسائے، جس کے بعد روبوٹ نے بھی مکے اور لاتیں ماریں۔ ایک زور دار لات سے لاپینا کئی فٹ دور جا گرے اور دوسری لات پر دیوار سے جا ٹکرائے، تاہم انہوں نے مقابلہ جاری رکھتے ہوئے روبوٹ کو شکست دے دی۔
ویڈیو وائرل ہونے کے بعد صارفین نے مقابلے کا موازنہ فلم ’ٹرمینیٹر‘ سے کرنا شروع کردیا۔ تاہم آر ای کے کے مطابق روبوٹ خودمختار نہیں تھا بلکہ اسے ایک انسان ریموٹ کنٹرول کے ذریعے چلا رہا تھا۔
کمپنی کے مطابق مزید روبوٹ فائٹ کی ویڈیوز بھی جلد جاری کی جائیں گی۔