جاپان میں ایک صدی سے زائد پرانی جیل کو جدید اور لگژری ہوٹل میں تبدیل کر دیا گیا ہے جہاں کبھی قیدی رہتے تھے اب دنیا بھر سے آنے والے سیاح قیام کرتے ہیں۔
نارا جیل 1908 میں تعمیر ہوئی تھی اور 2017 میں اسے ثقافتی ورثہ قرار دیا گیا۔ سات سال کی تزئین و آرائش کے بعد جون 2026 میں اسے ہوشینو نارا پریزن ہوٹل کے نام سے دوبارہ کھول دیا گیا۔
جیل کی تاریخی عمارت، لکڑی کے دروازوں، ہالز اور یہاں تک کہ کمروں کے پرانے نمبرز کو بھی بڑی حد تک برقرار رکھا گیا ہے۔ سلاخوں والے کئی چھوٹے کمروں کو ملا کر پرتعیش رہائشی کمروں میں تبدیل کیا گیا ہے، جبکہ کمپلیکس میں ایک میوزیم بھی قائم کیا گیا ہے۔
25 ایکڑ پر پھیلی یہ عمارت ستارے نما ڈیزائن رکھتی ہے جس کے پانچ ونگز مرکزی کمانڈ پوسٹ کے گرد بنائے گئے ہیں۔ ہوٹل میں ایک رات کا کرایہ تقریباً 245 ڈالر سے شروع ہوتا ہے، جو سیزن کے حساب سے مختلف ہوسکتا ہے۔تاریخی ریکارڈ کے مطابق جیل میں کبھی 16 سے 26 قیدی رکھے جاتے تھے اور اس کی تعمیر میں خود قیدیوں نے بھی حصہ لیا تھا۔