چین میں اے آئی کی بڑھتی مقبولیت کے ساتھ لوگ اپنے چہرے اور ڈیجیٹل شناخت کو اے آئی سے بننے والے ڈراموں، اشتہارات اور ویڈیو گیمز کے لیے لائسنس دے کر آمدنی حاصل کرنے لگے ہیں۔
شین ژین سمیت مختلف پلیٹ فارمز پر صارفین اپنی شناخت کی تصدیق کے بعد ڈیجیٹل پروفائل بناتے ہیں جنہیں پروڈیوسرز اپنی ضرورت کے مطابق منتخب کرسکتے ہیں۔ بعض افراد کو فی قسط 99 سے 500 چینی یوآن تک معاوضہ مل رہا ہے۔
تاہم ماہرین نے خبردار کیا ہے کہ چہرے کا ڈیجیٹل ڈیٹا لائسنس کرنے کے بعد اس کے مستقبل کے استعمال پر مکمل اختیار برقرار رکھنا مشکل ہوسکتا ہے اس لیے معاہدے کی شرائط اور استعمال کی حدود واضح ہونا ضروری ہیں۔