اسکاٹ لینڈ سے تعلق رکھنے والی 78 سالہ خاتون کیتھ بووی نے ’فورٹ نائٹ‘ گیم کی معمر ترین اسٹریمر کا عالمی ریکارڈ اپنے نام کرلیا۔
غیر ملکی میڈیا کے مطابق کیتھ بووی گزشتہ 9 سال سے گیمنگ پلیٹ فارم پر grumpygran48 کے نام سے لائیو اسٹریمنگ کر رہی ہیں۔
کیتھ بووی نے بتایا کہ انہیں گیمنگ کا شوق 2017 میں اپنے پوتے کو فورٹ نائٹ کھیلتے دیکھ کر ہوا، جس کے بعد وہ خود بھی اس گیم کی شوقین ہوگئیں۔
ان کا کہنا تھا کہ وہ 9 سال سے مسلسل فورٹ نائٹ کھیل رہی ہیں اور دیگر گیمز بھی آزمائیں، تاہم انہیں فورٹ نائٹ کے علاوہ کسی اور گیم میں وہ مزہ نہیں آیا۔
78 سالہ اسٹریمر کا کہنا تھا کہ یہی وجہ ہے کہ وہ خود کو ’گیمر‘ کے بجائے ’فورٹ نائٹر‘ کہنا پسند کرتی ہیں۔