جنوبی افریقا میں قومی تعطیل کے موقع پر ہزاروں افراد نے بیک وقت باربی کیو کرکے دنیا کے سب سے بڑے اجتماعی باربی کیو کا ریکارڈ بنانے کی کوشش کی۔
دارالحکومت پریٹوریا کے ایک اسپورٹس اسٹیڈیم میں تقریباً 500 گرِل اسٹیشنز قائم کیے گئے جہاں شرکاء نے ساسیجز، برگرز اور دیگر کھانے گرِل کیے۔ منتظمین کے مطابق تقریب میں تقریباً 3 ہزار افراد کی شرکت متوقع تھی۔
عالمی ریکارڈ کے لیے شرکاء کو جاپان کے شہر ایشگاکی میں 2023 میں قائم 2,220 افراد کے ریکارڈ کو توڑنا تھا۔
گنیز ورلڈ ریکارڈز کی عہدیدار پالینا ساپنسکا کے مطابق ریکارڈ میں شمار ہونے کے لیے تمام شرکاء کو کم از کم 5 منٹ تک بیک وقت باربی کیو کرنا ضروری تھا۔
تاہم جنوبی افریقا واقعی یہ ریکارڈ توڑنے میں کامیاب ہوا یا نہیں اس کا حتمی فیصلہ گنیز ورلڈ ریکارڈز کی جانب سے کیا جائے گا۔