اسکاٹ لینڈ کے دور دراز جزیرے نارتھ رونالڈسے پر 34 سال بعد پہلی بار کسی ماں نے بچے کو جنم دے دیا۔
مقامی ذرائع کے مطابق ڈنکن نامی بچہ 15 ستمبر 2026 کو نارتھ رونالڈسے پر پیدا ہوا، جو اورکنی کا شمالی جزیرہ ہے اور تقریباً تین میل لمبا اور دو میل چوڑا ہے۔
بچے کی والدہ ٹریل فورڈ اور ان کے منگیتر جارج سواریز نے ابتدا میں کوسٹا ریکا میں بچے کی پیدائش کا منصوبہ بنایا تھا تاہم جزیرے پر پہنچنے کے بعد ان کا فیصلہ بدل گیا۔
ٹریل فورڈ کے مطابق انہیں فوراً احساس ہوا کہ جزیرے پر اپنے آبائی گھر میں بچے کو جنم دینا ان کے لیے ایک خاص اور یادگار تجربہ ہوگا۔ ان کے خاندان نے 1727 میں یہ جزیرہ خریدا تھا۔
اسکاٹش حکومت کے 2024 کے اعداد و شمار کے مطابق جزیرے کی آبادی 72 افراد تھی، جو اب کم ہوکر 51 رہ گئی ہے۔ جزیرے پر نہ کوئی ڈاکٹر ہے اور نہ اسپتال، جبکہ صرف ایک مقامی نرس موجود ہے، جسے ٹریل فورڈ کے مطابق طویل عرصے سے یہاں بچے کی پیدائش نہ ہونے کی ایک ممکنہ وجہ سمجھا جاتا ہے۔