امریکی ریاست نیواڈا میں 296 پوڈل مکس کتوں نے پول پارٹی میں شرکت کرکے عالمی ریکارڈ قائم کردیا۔
لاس ویگاس کے کائواوبنگا کینین ویگاس واٹر پارک میں ہونے والی ’ڈوڈل پالوزا 2026‘ میں کتوں نے ویو پول، اسپلش پیڈ اور دیگر کم گہرے پانی والے حصوں میں خوب انجوائے کیا۔
گنیز ورلڈ ریکارڈز کے نمائندے نے تقریب میں شرکت کرکے تصدیق کی کہ یہ کتوں کی پول پارٹی میں سب سے زیادہ شرکت کا نیا عالمی ریکارڈ ہے۔ اس سے قبل 277 کتوں کی شرکت کا ریکارڈ قائم تھا۔
تقریب نیشنل ڈاگ ویک کے موقع پر منعقد ہوئی جبکہ اس سے حاصل ہونے والی رقم ڈوڈل ریسکیو یو ایس اے کے لیے جمع کی گئی۔