امریکی ریاست نیو جرسی کے ساحلی علاقے سرف سٹی میں سمندری طوفان کے بعد سڑکیں زیرِ آب آئیں تو شہری اس وقت حیران رہ گئے جب پانی میں ایک شارک تیرتی دکھائی دی۔
مقامی شہری ڈریو پروکاسینو نے اس انوکھے منظر کی ویڈیو بنائی، جس میں پانی سے بھری سڑک پر شارک کا پر صاف طور پر نظر آتا ہے۔ شہری کے مطابق شارک تیرتے ہوئے ایک گھر کے گیراج میں داخل ہوئی اور بعد ازاں وہاں سے بارنیگیٹ بے کی سمت چلی گئی۔
وائلڈ لائف ماہرین کے مطابق ویڈیو میں نظر آنے والی شارک اسموتھ ڈاگ فِش تھی، جو طوفان کے باعث تیز لہروں اور پانی کے بہاؤ کے ساتھ ساحلی علاقے سے نکل کر رہائشی سڑکوں تک پہنچ گئی۔