اسپیس ایکس کی اسٹار شپ ٹیسٹ فلائٹ کے دوران راکٹ کے پیچھے ایک پراسرار چمکتی ہوئی شے نظر آنے پر سوشل میڈیا پر بحث چھڑ گئی۔
ٹیسٹ فلائٹ کے تقریباً 7 منٹ 55 سیکنڈ بعد سیاہ خلا میں ہلکے نیلے رنگ کی خمیدہ لکیر اور روشن سفید نوک دکھائی دی جس کی تصاویر تیزی سے سوشل میڈیا پر وائرل ہوگئیں۔
کچھ صارفین نے اسے خلائی مخلوق کے جہاز سے تشبیہ دی، تاہم خلائی ماہرین کے مطابق یہ غالباً راکٹ سے خارج ہونے والی بقایا گیس تھی جو خلا میں پھیلنے کے دوران سورج کی روشنی منعکس ہونے سے غیر معمولی شکل میں دکھائی دی۔