امریکی ریاست کولوراڈو میں ایک بھوکے ریچھ نے کسانوں کی ہفتہ وار مارکیٹ میں گھس کر تازہ پکی ہوئی پیسٹریاں خوب مزے سے کھائیں اور پھر درخت پر چڑھ گیا۔
ریچھ نے خود ہی ایک بوتھ سے پکی ہوئی اشیا اٹھائیں، جس کی ویڈیو وہاں موجود لوگوں نے بنا لی۔ پولیس اور محکمہ جنگلی حیات کے اہلکاروں نے اسے علاقے سے ہٹانے کی کوشش کی، تاہم ریچھ درخت پر چڑھ گیا اور کچھ دیر بعد خود ہی وہاں سے چلا گیا۔
حکام کے مطابق خشک سالی کے باعث قدرتی خوراک میں کمی سے ریچھوں اور انسانوں کے درمیان مڈبھیڑ کے واقعات میں اضافہ ہوا ہے جبکہ موسم سرما سے قبل ریچھ خوراک کی تلاش میں زیادہ سرگرم ہوتے ہیں۔