بھارتی ریاست گجرات کے ضلع داہود میں ریسکیو اہلکاروں نے دو سروں والا نایاب سانپ زندہ حالت میں برآمد کرلیا، جس کی ویڈیو سوشل میڈیا پر توجہ حاصل کر رہی ہے۔
ریسکیو ٹیم کے مطابق تقریباً 6 انچ لمبا یہ سانپ گاؤں آگسوانی سے ملا، جو زہریلا نہیں ہے۔ سانپ کے دونوں سر الگ الگ حرکت اور ردعمل ظاہر کرتے ہیں۔
ماہرین کے مطابق سانپ میں بائی سیفلی (Bicephaly) نامی نایاب کیفیت پائی جاتی ہے، جس میں ایک ہی جسم پر دو سر بن جاتے ہیں۔ وائلڈ لائف ریسکیو ٹیم نے محکمہ جنگلات کی مدد سے سانپ کو محفوظ مقام پر منتقل کردیا۔
ریسکیو اہلکاروں کا کہنا ہے کہ گجرات میں زندہ دو سروں والے سانپ کی یہ پہلی دستاویزی ریسکیو سمجھی جا رہی ہے، جبکہ بھارت میں اس نوعیت کے چند ہی کیسز رپورٹ ہوئے ہیں۔