برطانیہ کے ایک کاشتکار نے دنیا کا سب سے وزنی کدو اگانے کا اپنا ہی گنیز ورلڈ ریکارڈ توڑ دیا۔ ایان پیٹن نے 2,856.8 پاؤنڈ، یعنی تقریباً 1,296 کلوگرام وزنی دیوہیکل کدو اگا کر نیا ریکارڈ قائم کیا۔
ہیمپشائر کے علاقے لیمنگٹن سے تعلق رکھنے والے 65 سالہ ایان پیٹن اپنے کدو، جس کا نام انہوں نے ’’بگھیرا‘‘ رکھا ہے کو برکشائر میں ہونے والے مقابلے میں لائے جہاں 3 اکتوبر کو گنیز ورلڈ ریکارڈز کے نمائندے کی نگرانی میں اس کا باضابطہ وزن کیا گیا۔
اس سے قبل ایان پیٹن اور ان کے بھائی اسٹورٹ نے 2025 میں 2,819.25 پاؤنڈ وزنی کدو اگا کر عالمی ریکارڈ قائم کیا تھا جسے اب ایان پیٹن نے مزید بڑے کدو کے ذریعے توڑ دیا ہے۔
کاشتکار کے مطابق وہ کدو کی دیکھ بھال پر روزانہ چھ گھنٹے تک صرف کرتے تھے اور اسے روزانہ تقریباً 130 گیلن پانی دیتے تھے۔
ایان پیٹن نے بتایا کہ دیوہیکل کدو آئندہ چند ہفتوں تک ساؤتھمپٹن کے قریب سنی فیلڈز فارم میں نمائش کے لیے رکھا جائے گا، جس کے بعد اسے مویشیوں کے چارے کے طور پر استعمال کیا جائے گا۔