راولپنڈی پولیس نے 12 سالہ میمونہ کے قتل کے مقدمے میں نامزد ملزم اور مقتولہ کے خالو کو مردان سے گرفتار کرلیا۔
ذرائع کے مطابق ملزم کی گرفتاری کے لیے کارروائی سی سی ڈی راولپنڈی نے کی۔ ملزم کو مردان سے حراست میں لے کر تفتیش کے لیے متعلقہ حکام کے حوالے کیے جانے کا امکان ہے۔
واضح رہے کہ راولپنڈی کے علاقے خیابان سر سید، ڈھوک نجو سے تعلق رکھنے والی بارہ سالہ میمونہ کی لاش گزشتہ روز اس کے خالو کے گھر سے برآمد ہوئی تھی۔ واقعے کے بعد پولیس نے تحقیقات شروع کر دی تھیں۔