امریکی پائلٹ بینجمن میک ڈینیئل نے فضا میں مصوری کا حیرت انگیز مظاہرہ کرتے ہوئے دنیا کی مشہور پینٹنگ ’دی اسکریم‘ کو طیارے کے ذریعے فضا میں تخلیق کردیا، جس کی تصویر سوشل میڈیا پر وائرل ہوگئی۔
پائلٹ پکاسو کے نام سے مشہور بینجمن نے امریکی ریاستوں ارکنساس اور اوکلاہوما کے اوپر تقریباً 10,575 فٹ کی بلندی پر مسلسل 5 گھنٹے 40 منٹ پرواز کی۔ انہوں نے طیارے کے مخصوص راستوں اور موڑ کے ذریعے پینٹنگ کے خدوخال بنائے۔
یہ منفرد فن پارہ کسی کینوس یا رنگوں سے نہیں بلکہ فلائٹ ٹریکر پر طیارے کے راستے سے تخلیق کیا گیا، جس پر سوشل میڈیا صارفین حیرت کا اظہار کررہے ہیں۔