غزہ پٹی میں جنگ بندی کے باوجود اسرائیلی حملوں کا سلسلہ جاری ہے، جہاں گزشتہ 24 گھنٹوں کے دوران مزید 4 فلسطینی شہید اور 9 زخمی ہوگئے۔
عرب میڈیا کے مطابق فلسطینی وزارتِ صحت نے بتایا کہ جنگ بندی کے بعد سے اسرائیلی حملوں میں 1,505 فلسطینی شہید اور 5,332 زخمی ہوچکے ہیں، جبکہ غزہ میں مجموعی فلسطینی شہادتوں کی تعداد 74,396 تک پہنچ گئی ہے۔ خان یونس میں بھی اسرائیلی حملے کے نتیجے میں 2 افراد شہید ہوئے۔
دوسری جانب اقوامِ متحدہ نے غزہ میں امدادی کارکنوں کے تحفظ پر زور دیتے ہوئے کہا ہے کہ بدھ کے روز اسرائیلی فائرنگ سے امدادی تنصیبات متاثر ہوئیں۔