بھارت کی ریاست مغربی بنگال کے شہر کولکتہ میں ایک مندر میں مذہبی اجتماع کے دوران بھگدڑ مچنے سے 19 افراد ہلاک جبکہ 25 زخمی ہوگئے۔
اطلاعات کے مطابق مندر میں مذہبی اجتماع کے دوران اچانک بھگدڑ مچ گئی، جس کے نتیجے میں متعدد افراد ہلاک اور زخمی ہوئے۔ واقعے کے بعد امدادی کارروائیاں شروع کردی گئیں جبکہ زخمیوں کو طبی امداد کے لیے اسپتال منتقل کردیا گیا۔
واضح رہے کہ بھارت میں مذہبی اجتماعات کے دوران بھگدڑ کے واقعات ماضی میں بھی پیش آتے رہے ہیں۔ 2024 میں ریاست اترپردیش میں ایک مذہبی اجتماع کے دوران بھگدڑ مچنے سے 121 افراد ہلاک ہوگئے تھے۔