نیشنل سائبر کرائم انویسٹی گیشن ایجنسی (NCCIA) کراچی زون نے سوشل میڈیا پر مبینہ ریاست مخالف سرگرمیوں کے مقدمے میں نامزد مفرور ملزم حمزہ فاروق کو گرفتار کرلیا۔
حکام کے مطابق ملزم کا تعلق اٹک سے ہے اور وہ حالیہ دنوں میں کراچی کے علاقے گلستانِ جوہر میں رہائش پذیر تھا۔ ملزم ایف آئی آر نمبر 37/2026 میں مطلوب تھا، جو پیکا ایکٹ کی دفعات 3 اور 26-A کے تحت درج کی گئی۔
حکام کا کہنا ہے کہ ملزم پر سوشل میڈیا کے ذریعے اہم شخصیات کے خلاف مبینہ طور پر جھوٹے اور گمراہ کن الزامات پر مشتمل پوسٹس شیئر کرنے کا الزام ہے۔