ایرانی پارلیمان کے قومی سلامتی کمیشن کے سربراہ ابراہیم عزیزی نے خبردار کیا ہے کہ ایران کی قومی سلامتی اور مفادات کے خلاف کسی بھی قسم کی کارروائی کا شدید اور خطرناک نتیجہ نکلے گا۔
اسرائیلی وزیراعظم بن یامین نیتن یاہو کی جانب سے ایرانی حکومت کو گرانے سے متعلق دیے گئے حالیہ بیان کے ردعمل میں ابراہیم عزیزی نے کہا کہ دشمن کا ایسا کوئی بھی اقدام ایک غلط اندازہ ثابت ہوگا، جس کے نتیجے میں مقبوضہ زمینوں کو ناقابلِ رہائش بنا دیا جائے گا۔
انہوں نے مزید کہا کہ مقبوضہ علاقوں کو آبادی سے خالی کروانے میں ایک گھنٹہ بھی نہیں لگے گا۔