جے شاہ ایک بار پھر آئی سی سی کے چیئرمین منتخب ہو گئے، انٹرنیشنل کرکٹ کونسل کے مطابق جے شاہ کی دوسری مدت کے لیے نامزدگی بالی میں ہونے والے اجلاس میں ڈائریکٹرز نے پیش کی جس کے بعد ان کا انتخاب بلامقابلہ عمل میں آیا۔
نئی مدت کے دوران 2027 ون ڈے ورلڈ کپ اور 2028 لاس اینجلس اولمپکس میں کرکٹ کی شمولیت اہم ترجیحات ہوں گی۔
واضح رہے کہ جے شاہ پہلی بار اگست 2024 میں آئی سی سی کے چیئرمین منتخب ہوئے تھے اور اس منصب پر فائز ہونے والے کم عمر ترین شخص بنے تھے۔