لاہور: مدرسے میں تاخیر سے پہنچنے پر 12 سالہ طالبعلم پر قاری کا تشدد

image

لاہور شالیمار کے علاقے میں مدرسے میں تاخیر سے پہنچنے پر قاری نے 12 سالہ طالبعلم کو ڈنڈوں سے مبینہ طور پر بہیمانہ تشدد کا نشانہ بنا دیا، جس کے نتیجے میں طالبعلم کامران کے سر پر شدید چوٹیں آئیں۔

پولیس کے مطابق واقعے کے بعد متاثرہ طالبعلم کے والد کی مدعیت میں تھانہ شالیمار میں قاری ظفر الحق کے خلاف مقدمہ درج کر لیا گیا، جبکہ پولیس نے کارروائی کرتے ہوئے ملزم کو گرفتار کرلیا ہے۔

واقعے پر ڈی آئی جی آپریشنز نے سخت ردعمل کا اظہار کرتے ہوئے کہا کہ بچوں پر تشدد کسی صورت قابل قبول نہیں، قانون ہاتھ میں لینے اور بچوں کو تشدد کا نشانہ بنانے والوں کے خلاف قانون کے مطابق سخت کارروائی عمل میں لائی جائے گی۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US