صوابی میں پولیس چوکی منصوری کے قریب نامعلوم مسلح افراد نے پولیس کی گاڑی پر فائرنگ کر دی، جس کے نتیجے میں دو اہلکار شہید اور ایک زخمی ہو گیا۔
ڈسٹرکٹ پولیس آفیسر (ڈی پی او) وقاص رفیق نے واقعے کی تصدیق کرتے ہوئے بتایا کہ حملے کے فوراً بعد شہید ہونے والے اہلکاروں کی لاشوں اور زخمی اہلکار کو طبی امداد کے لیے قریبی اسپتال منتقل کردیا گیا ہے۔
واقعے کے بعد پولیس کی بھاری نفری نے پورے علاقے کو گھیرے میں لے کر ناکہ بندی کر دی ہے اور حملہ آوروں کی تلاش کے لیے سرچ آپریشن شروع کردیا گیا ہے۔