بھارت :حیدرآبادریپ کیس،ماں کاملزم بیٹےکوجلانےکامطالبہ

بھارت میں لڑکی کو اجتماعی زیادتی کا نشانہ بنانے اور زندہ جلانے والے ملزم کی والدہ نےاپنے ملزم بیٹےکو  زندہ  جلانے  کا مطالبہ کیاہے۔

بھارتی میڈیا  کےمطابق  بھارتی  شہر  حیدرآباد میں  لیڈی ڈاکٹر پریانکا ریڈی کواجتماعی  ذیادتی کےبعدزندہ جلادیا تھا ۔

 ملزم چنٹاکنٹاکیشولوکی ماں نے مطالبہ کیا ہے کہ اس کے بیٹے کو اسی طرح زندہ جلایا جائے جیسے لیڈی ڈاکٹر کو زندہ جلاکر قتل کیا گیا تھا۔

ملزم کی ماں کاکہناہےکہ ’میرے بیٹے کوبھی ویسے ہی زندہ جلایاجائےجیسےمتاثرہ لڑکی جلی ہے۔

ملزم کی والدہ کا کہنا ہے کہ ’کیا متاثرہ لڑکی کسی ماں کی بیٹی نہیں تھی؟ آج مجھے مشکلات کا سامنا کرنا پڑرہا ہے، میں تصور کرسکتی ہوں کہ لڑکی کی ماں پر کیا گزری ہوگی‘۔

ملزم کی والدہ کی جانب سے بیٹے کو جلانے کے مطالبے نے سب کو حیرت میں مبتلا کردیا ہے۔

بھارتی لڑکی ریپ کےبعدنظرآتش

واضح رہےکہ  گزشتہ ہفتےحیدرآبادمیں27 سالہ ڈاکٹرپریانکاریڈی کو4ملزمان نے اجتماعی  زیادتی  کے بعد زندہ جلادیا تھا۔

پولیس کے مطابق حیدرآباد میں اپنی سکوٹر پر جا رہی تھی کہ اس کا ٹائر پنکچر ہو گیا۔ اس دوران قریب سے ایک ٹرک گزرا جس میں سوار چار مردوں نے اسے زبردستی ٹرک میں ڈال لیا اور شہر سے باہر ویرانے میں لے جا کر رات بھر جنسی زیادتی کا نشانہ بناتے رہے۔

لیڈی ڈاکٹر کے گینگ ریپ اورزندہ جلانےکے ہولناک واقعے پر بھارت بھرمیں احتجاج کی شدید لہرپھیل گئی ہے۔

 جس کے بعد  بھارتی پولیس نے لڑکی اجتماعی زیادتی کا نشانہ بنانے کے الزام میں چار ملزمان کوگرفتاکرلیا۔ جن کی شناخت جولوشوا، جولو نوین،محمدپاشااورچنٹاکنٹاکیشولوکےنام سےہوئی ہے۔

بھارتی پولیس کا کہنا ہے کہ ٹرک ڈرائیورپاشااجتماعی زیادتی کااہم ملزم ہے۔

 


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.