بھارت میں افسردہ شخص نے ماں، بیوی، 3 کمسن بیٹیوں کو مار ڈالا

بہار کے منگرضلع میں ایک شخص نے اپنی والدہ ، بیوی اور تین کمسن  بیٹیوں کو ہلاک کردیا۔

تفصیلات کے مطابق ایک  شخص اپنی ملکیت والی دکان کی کچھ دستاویزات کے گمشدہ ہونے کے بعد افسردگی کا شکار تھا۔ پولیس نے جمعہ کو بتایا کہ اس شخص نے پانچوں کو ہلاک کرنے کے بعد چھت سے چھلانگ لگا کر خود کشی کی بھی کوشش کی۔

پولیس حکام کے مطابق ، یہ واقعہ منگر ضلع کے حویلی کھڑگ پور پولیس اسٹیشن کے علاقے میں پیش آیا۔ تاہم پولیس نے معمولی زخمی ہونے والے ملزم کو گرفتار کرلیا ہے۔

پولیس نے بھی اس واقعہ کی تصدیق کرتے  ہوئے جاری کردہ بیان میں کہا کہ “حویلی کھڑگ پور کے کنہیا ٹولا محلہ کے رہائشی بھرت کمار کیسری نے اپنے ہی گھر میں 5  افراد کا گلا گھونٹ کر قتل کیا اور چھت سے چھلانگ لگا کر خود کشی کرنے کی کوشش بھی کی۔

“ملزم کی دکان تھی اور اس کے کچھ کاغذات گم ہوگئے تھے جس کی وجہ سے وہ افسردہ تھا۔

جمعہ کے روز کیسری نے سوئی ہوئی ماں ساویتری دیوی عمر (90) برس، بیوی آشا دیوی عمر (40) برس اور بیٹیوں 16 سالہ شیوانی کیسری، 14 سالہ سمرن کیسری اور 11 سالہ سونم کیسری کا گلا گھونٹ دیا۔

اس کے بعد ملزم نے گھر کی چھت سے چھلانگ لگا کر خود کو مارنے کی کوشش کی۔ پولیس نے مزید بتایا کہ تاہم اسے معمولی چوٹیں آئیں اور وہ کھڑگ پور اسپتال میں زیر علاج ہے۔

ایک پولیس افسر نے بتایا کہ ملزم کو گرفتار کرلیا گیا ہے اور لاشوں کو پوسٹ مارٹم کے لئے بھیج دیا گیا ہے۔ پولیس اس معاملے کی تحقیقات کر رہی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.