الماری کا ایک نیا روپ

جی ہاں جنوبی کورین کمپنی سام سنگ کو ویسے تو اسمار ٹ فونز، ٹیلی ویژن یا فریج وغیرہ کے لیے زیادہ جانا جاتا ہے مگر اس کی نئی ڈیوائس کسی جادو سے کم نہیں۔

درحقیقت سام سنگ کی یہ جادوئی الماری واشنگ مشین اور ڈرائیر جیسی مشینوں کو آڑے ہاتھوں لے گی۔

ائیر ڈریسر نامی یہ انوکھی ڈیوائس گزشتہ سال ستمبر میں برلن میں ہونے والی آئی ایف اے ٹیکنالوجی نمائش کے دوران متعارف کرائی گئی تھی مگر اب اسے فروخت کے لیے پیش کردیا گیا ہے۔

ائیرڈریسر میںکپڑوں کو سرف یا دیگر کیمیکلز کے بغیر ہی صاف کرنے کے ساتھ ساتھ ان کی خراب استری کو بھی ٹھیک کیا جاسکتا ہے۔

یہ بنیادی طور پر ایل جی اسٹائلر سے ملتی جلتی الماری ہے جو گھر میں کپڑوں کی ڈرائی کلیننگ میں مدد دیتی ہے۔

بس اپنے کپڑوں کو اس الماری کے اندر لٹکائیں اور پھر اسٹیمنگ یا ہیٹنگ سسٹم سے ان کو صاف کرلیں۔

ائیر ڈریسر میں ایک جیٹ ائیر سسٹم اور ائیر ہینگرز سپورٹ موجود ہے جو کپڑوں میں جمع ہونے والی گرد کو تیز ہوا کے ذریعے نکال دیتے ہیں، جبکہ جیٹ اسٹیم سسٹم کپڑوں کی صفائی کا کام کرکے ڈرائی کلین کردیتا ہے۔

اس الماری میں ایک ایسا فلٹر بھی ہے جو کپڑوں میں موجود بو کو ختم کرکے انہیں خوشبودار بناتا ہے۔

کمپنی کے مطابق زیادہ درجہ حرارت والے دھویں کو استعمال کرکے اس میں کپڑوں کو جراثیموں سے پاک بھی کیا جاسکتا ہے، جبکہ اسے گھر میں کسی بھی جگہ رکھ کر استعمال کیا جاسکتا ہے۔

کمپنی کے مطابق اس کی مدد سے 4 وائرسز کا خاتمہ کیا جاسکتا ہے جن میں فلو اور herpes بھی شامل ہیں۔

ائیرڈریسر کو برطانیہ میں فروخت کے لیے پیش کیا گیا ہے اور اس کی قیمت 2 ہزار پاﺅنڈز (4 لاکھ پاکستانی روپے سے زائد) رکھی گئی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

11