پاکستان شوبز انڈسٹری سے تعلق رکھنے والی مشہور اداکارہ مایا علی اپنے مداحوں سے بات کرتے ہوئے رو پڑیں۔
اداکارہ مایا علی اور ان کی دوست ڈیزائنر فائزہ ثقلین مشکل گھڑی میں جب شہر میں لاک ڈاؤن کی صورتحال ہے، اس وقت ضرورتمندوں کے لئے راشن تقسیم کر رہی ہیں۔
سماجی رابطے کی ویب سائٹ انسٹاگرام پر اداکارہ اور فائزہ ثقلین لائیو آئیں اور اپنے مداحوں سے بات چیت کی۔
گفتگو کے دوران مایا علی اس وقت رو پڑیں جب انہوں نے بتایا کہ 'انہیں ایک فون کال موصول ہوئی جس میں ایک خاتون کہہ رہی تھیں کہ ان کے بچے نے دودھ نہیں پیا، انہیں راشن پہنچایا جائے'۔ اداکارہ اس موقع پر اپنے جذبات قابو میں نہ رکھ سکیں اور آنسو ان کی آنکھوں سے چھلک پڑے۔