عاطف اسلم کی اذان نے غیرمسلموں کو بھی اپنے سحر میں جکڑ لیا

عالمی شہریت یافتہ پاکستانی گلوکار عاطف اسلم نے اپنی خوبصورت آواز میں اذان دینے پر ہر طرف سے بےشمار داد و تحسین سمیٹی۔

عاطف اسلم کی دی گئی اذان نے جہاں ان کے مسلمان مداحوں پر رقت طاری کر دیا وہیں غیرمسلموں کو بھی اپنے سحر میں جکڑ لیا۔

سوشل میڈیا پلیٹ فارمز پر شیئر ہوتے ہی عاطف اسلم کی آواز میں ریکارڈ کی گئی اذان نہ صرف سوشل میڈیا پر وائرل ہوئی بلکہ عوام کی جانب سے اسے خوب پذیرائی بھی ملی۔

یہ بھی پڑھیں: 

ویڈیو شیئرنگ ایپلیکیشن یوٹیوب پر گلوکار کے غیرمسلم مداحوں نے بھی اذان کے لیے بے پناہ پسندیدگی کا اظہار کیا ہے۔

عاطف اسلم کے بھارتی مداح نے لکھا کہ میں ہندو ہوں لیکن اذان نے میرے دل کو چھو لیا ہے، اسے سن کر مجھے ایسا محسوس ہو رہا ہے جیسے میں جنت میں ہوں۔

مینک مودی نامی صارف نے لکھا کہ عاطف کی آواز میں اذان سن کر مجھ میں اردو سیکھنے کا شوق ہیدا ہوا ہے۔

ایک اور غیرمسلم مداح نے لکھا کہ اس اذان کی تعریف کے لیے میرے پاس صرف ایک ہی لفظ ہے’ماشااللہ‘۔

دپیکا نامی مداح نے لکھا کہ میرا تعلق بھارت سے ہے اور میں اردو نہیں سمجھ سکتی مگر اتنا ضرور کہوں گی کہ جب کوئی دل کی گہرائیوں سے خدا سے دعا کرتا ہے تو ایک جادوئی کیفیت طاری ہو جاتی ہے۔

بھارت سے ہی تعلق رکھنے والی شینا نے لکھا کہ میں ہندو ہوں اور جو دعا آپ نے پڑھی ہے مجھے اس دعا کا مطلب نہیں معلوم مگر اسے سنتے ہوئے میرے رونگٹے کھڑے ہو گئے۔

انہوں نے یہ بھی لکھا کہ آپ کی روح پرور آواز نے میرا دل چھو لیا ہے، خدا آپ کی دعا قبول فرمائے، آمین۔




 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

17