پاکستان کے نامور لیجنڈری اداکار سہیل اصغر نے مداحوں سے اپنے معدے کی سرجری کے لئے دُعاؤں کی اپیل کی ہے۔
سوشل میڈیا ویب سائٹ فیس بُک پر پاکستان کے معروف اداکار سہیل اصغر نے اسپتال میں لی گئی اپنی ایک تصویر شئیر کی جس سے اِس بات کا انکشاف ہوا کہ وہ معدے کی سرجری کے باعث اسپتال میں داخل ہیں۔
اداکار سہیل اصغر نے اپنے مداحوں، دوستوں اور اہلِ خانہ کو مخاطب کرتے ہوئے لکھا کہ اللّہ تعالیٰ ہمیشہ میرے ساتھ ہے اور میں اللّہ کے معجزوں پر پختہ یقین رکھتا ہوں۔
سہیل اصغر نے لکھا کہ وہ دُعاؤں کی طاقت پر بھی بہت زیادہ یقین رکھتے ہیں۔
خیال رہے کہ سہیل اصغر پاکستانی مزاح کار، اسٹیج اور ٹی وی اداکار ہیں، اُنہوں نے لاہور سے اپنے کیریئر کی شروعات کی تھی۔