میڈیکل کالجز، انٹری ٹیسٹ نتائج میں غلطیوں کا انکشاف

میڈیکل کالجوں کے انٹری ٹیسٹ کے نتائج میں غلطیوں کا انکشاف، طالب علموں کے نام اور رول نمبر تبدیل۔

تفصیلات کے مطابق میڈیکل کالجز کے انٹری ٹیسٹ (ایم ڈی کیٹ) 2020 کے نتائج میں غلطیوں کا انکشاف ہوا ہے، کئی طالب علموں کے نام، رول نمبرز تبدیل ہوئے تو اکثر طالبِ علموں کے انٹری ٹیسٹ نتائج کو فہرست میں شامل ہی نہیں کیا گیا۔

متاثرہ طلبہ کا کہنا ہےکہ انہوں نے محنت کر کے انٹری ٹیسٹ دئیے مگر انہیں نتائج میں غیر حاضر ظاہر کیا گیا ہے۔

As it is a computer generated result therefore, to check for any discrepancy the system has been made offline. It will be live as soon as the error has been checked.

(2 of 2)

— Pakistan Medical Commission (@pmc_org) December 16, 2020

طلبہ کی جانب سے متعدد بارغلطیوں کی شکایات پر پاکستان میڈیکل کمیشن کو انٹری ٹیسٹ کا رزلٹ ویب سائٹ سے ہٹانا پڑ گیا، تاہم بعد میں دوبارہ اس رزلٹ میں موجود غلطیاں درست کر کے اسے اپ لوڈ کر دیا گیا۔

واضح رہے کہ رواں برس ایم ڈی کیٹ میں ایک لاکھ 21ہزار 181 طلبہ نے شرکت کی، تاہم امتحان میں کامیاب ہونے والوں کی تعداد 67 ہزار 611 رہی، کامیاب ہونے والے طلبہ 60 فیصد سے زائد نمبر حاصل کرنے میں کامیاب رہے۔