گزشتہ روز پاکستان کرکٹ ٹیم کے آل راؤنڈر شعیب ملک کی گاڑی کو حادثہ پیش آیا جس سے ان کی اسپورٹس کار فرنٹ سے بری طرح متاثر ہوئی۔
گاڑی کو پیش آنے والے حادثے کے بعد کرکٹر شعیب ملک نے مداحوں کو پیغام دیا ہے کہ میں بالکل ٹھیک اور خیریت سے ہوں۔
سوشل میڈیا پر گردش کرتی تصاویر میں دیکھا جاسکتا ہے کہ شعیب ملک کی اسپورٹس گاڑی ایک ٹرک سے ٹکراگئی ہے۔
قومی کرکٹر کی گاڑی کو دیکھ کر ایسا محسوس ہوا کہ شاید انھیں بھی شدید چوٹیں آئیں، تاہم ان کی جانب سے اس معاملے پر بیان سامنے آگیا۔
واضح رہے کہ حادثہ پاکستان سپر لیگ (پی ایس ایل) ڈرافٹنگ کے اختتام کے بعد نیشنل ہائی پرفارمنس سینٹر کے باہر پیش آیا۔