راوی اربن پراجیکٹ:عدالت کی بین الاقوامی کنسلٹنٹ تعینات کرنےکی ہدایت

فوٹو: آن لائن

لاہور ہائی کورٹ نے راوی اربن پراجیکٹ کے ماحولیاتی اثرات کا جائزہ لینے کے لیے بین الاقوامی کنسلٹنٹ تعینات کرنے کی ہدایت کر دی۔

لاہور ہائیکورٹ کے جسٹس شاہد کریم نے شیزار ذکاء ایڈووکیٹ کے توسط سے دائر درخواست پر سماعت کی جس میں ماحولیاتی آلودگی سے شہر کو پاک کرنے کے لیے اقدامات نہ کرنے کی نشاندہی کی گئی۔

عدالت نے ہدایت کی کہ پنجاب حکومت 2 ہفتوں میں انوایرمنٹ پروٹیکشن کونسل تشکیل دے جبکہ عدالت نے پنجاب حکومت کو سموگ کے خلاف اقدامات کرنے کی بھی ہدایت کی۔

عدالت نے حکم دیا کہ ائیر کوالٹی اسٹینڈرڈ نافذ کیا جائے اور نیا پاکستان ہاؤسنگ پروجیکٹ کا ماحولیاتی جائزہ کے لیے اقدامات کیے جائیں۔

جسٹس شاہد کریم نے ریمارکس دیے کہ زگ ذیگ ٹیکنالوجی والے بھٹے ہی کام کرسکیں گے۔

درخواست گزار شیزار ذکا ایڈووکیٹ کے مطابق لاہور دنیا کا آلودہ ترین شہر بنتا جا رہا ہے اور حکومت لاہور کو آلودگی سے پاک کرنے کے اقدامات میں ناکام ہے۔

درخواست پر مزید سماعت آئندہ ہفتے ہوگی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

70