پوری دنیا میں لوگ اس وقت کورونا سے بچاؤ کیلئے احتیاطی تدابیر پر عملدرآمد کر رہےہیں لیکن وہیں کچھ لوگ ایسے بھی ہیں جو ان تدابیر پرعملدرآمد نہیں کرتے چاہے پھرعملدرآمد نہ کر نے کی وجہ کو ئی بھی ہو۔
تفصیلات کے مطابق بھارت کی ریاست مہاراشٹرا کے علاقے احمد نگر میں کورونا وائرس میں کمی کیلئے ہر ملک کی طرح لاک ڈاؤن ہے تو ایسے میں ایک خاتون معمول کے مطابق اپنا سبزی کا ٹھیلا سڑک کنارے لگائے کھڑی ہے۔
خاتون کو میونسپل کارپوریشن کے حکام نے آکر وضاحت دی کہ کورونا وائرس کا دور ہے اور آپ سڑک پر یوں ٹلا ک نہیں لگا سکتی کیونکہ اس سے رش بڑھے گا جس کے باعث لوگوں میں کورونا وائرس بھی شدت سے پھیلے گا ۔
ان ساری باتوں کو خاتون نظر انداز کرتی رہیں اور اپنا کام کرتی رہیں۔ بعد ازاں خاتون کا اپنا بیٹا موقع پر پہنچا جوکہ خود میونسپل کونسل میں ملازم تھا اس نے خود آکر اپنی والدہ کے خلاف کارروائی کی۔
راشد شفیع شیخ ضلع احمد نگر کی پٹھار ڈی میونسپل کارپوریشن میں ملازم ہے۔
اس نے اپنا فرض ادا کرتے ہوئے والدہ کے خلاف کارروائی کی اور ساری سبزیاں ضبط کرکے بلدیہ کی گاڑی میں لے گیا۔
بھارتی میڈیا کے مطابق بیٹے نے اپنی ڈیوٹی سر انجام دی اور ماں کو اصولوں پر چلنا سکھایا۔