فیصل آباد: بچیوں کیساتھ ریپ کی کوشش، امام مسجد گرفتار

فیصل آباد کے چک نمبر 59 ج ب میں دو بچیوں کے ساتھ ریپ کی کوشش کرنے پر پولیس نے مسجد کے امام کو گرفتار کرلیا۔

پولیس کے مطابق کچھ روز قبل سوشل میڈیا پر ویڈیو وائرل ہوئی تھی جس میں دیکھا گیا کہ مسجد کا امام بچیوں کے ساتھ ریپ کرنے کی کوشش کر رہا ہے۔

پولیس نے وائرل ویڈیو کی تحقیقات کی اور علاقے میں قائم مسجد ربیع بن کعب پہنچی جہاں اہلہ علاقہ نے ملزم کی شناخت محمد زاہد کے نام سے کی جوکہ مسجد کا امام ہے۔

پولیس انسپکٹر عبدالحمید کی مدعیت میں مقدمہ تھانہ ساندل بار میں درج کرلیا گیا ہے۔ مقدمے کے مطابق ملزم نے ریپ کرنے کی کوشش اور مسجد کا تقدس پامال کیا جس پر دفعہ 376، 511 اور 295 لگائی گئی ہے۔

دوسری جانب متاثرہ خاندان بدنامی کی وجہ سے کیس کو آگے بڑھانا نہیں چاہتا جبکہ بچیوں کی جانب سے کوئی بیان بھی نہیں دیا گیا۔

سی پی او فیصل آباد کے مطابق پولیس اپنی مدعیت میں کیس کو میرٹ پر آگے بڑھائے گی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

475