وزیراعظم کی زیر صدارت منصوبہ چشمہ رائٹ بینک کینال سے متعلق اجلاس

image

وزیراعظم عمران خان کی زیر صدارت خیبر پختونخوا کے لیے مربوط زراعت اور ترقیاتی منصوبوں بالخصوص چشمہ رائٹ بینک کینال سے متعلق اجلاس ہوا جس میں چشمہ رائٹ بینک لفٹ کینال کے میگا ڈویلپمنٹ پروجیکٹ کی تعمیر کے لئے متبادل مالیاتی ماڈلز پر تبادلہ خیال کیا گیا۔

اجلاس کی صدارت کرتے ہوئے وزیراعظم عمران خان  نے کہا کہ چشمہ رائٹ بینک کینال کے لفٹ کم گریویٹی پروجیکٹ کی تعمیر جنوبی خیبر پختونخوا میں ایک وسیع علاقے کی سماجی و معاشی ترقی کے لیے ایک حقیقی گیم چینجر ثابت ہوگی۔

وزیراعظم نے کہا  کہ  تکمیل کے بعد یہ منصوبہ خیبر پختونخوا میں تقریبا 3 لاکھ ایکڑ بنجر زمین کو سیراب کرے گا  جبکہ یہ منصوبہ خطے میں غذائی تحفظ کو یقینی بنائے گا اور  علاقے کے کسانوں کی آمدنی میں اضافہ ہوگا ۔

عمران خان  کا کہنا تھا کہ متعلقہ حکام علاقے میں کارپوریٹ فارمنگ کو فروغ دینے کے لیے موثر اقدامات کریں، منصوبہ مشرق وسطیٰ میں زرعی پیداوار کی برآمد بڑھا کر ملک کے لیے زرمبادلہ کے حصول کا ذریعہ بنے گا ۔

وزیراعظم عمران خان  کا مزید کہنا تھا کہ ہمیں اپنے لوگوں کی سماجی و اقتصادی ترقی کے لیے موجود وسیع قدرتی وسائل کی مکمل صلاحیتوں سے استفادہ کرنے کی ضرورت ہے، منصوبے  سے غربت و بھوک کے خاتمے، مقامی آبادی کے لیے اچھی تعلیم ، صحت کی بنیادی سہولیات اور دیگر شہری سہولیات کو یقینی بنانے میں معاونت ملے گی۔

اجلاس میں وزیر توانائی محمد حماد اظہر ، مشیر تجارت عبدالرزاق داؤد ،صوبائی وزراء خیبر پختونخوا  تیمور سلیم جھگڑا ، محب اللہ ، چیئرمین نیشنل ہائی وے اتھارٹی خرم آغا، چیئرمین ایف بی آر ڈاکٹر محمد اشفاق احمد اور متعلقہ افسران بھی شریک ہوئے۔

واضح رہے اس سے قبل وزیرِ اعظم عمران خان سے وزیرِ داخلہ شیخ رشید نے ملاقات کی تھی  جس میں امن و امان اور سیاسی صورتحال پر گفتگو کی گئی تھی۔

ملاقات میں افغانستان کی صورتحال ، راولپنڈی میں جاری ترقیاتی منصوبوں اور خاص طور پر نالہ لئی منصوبے پر تفصیلی گفتگو کی گئی تھی ۔

Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.