اعلیٰ ثانوی تعلیمی بورڈ کراچی کے چیئرمین پروفیسر ڈاکٹر سعید الدین نے انٹرمیڈیٹ گیارہویں جماعت کے آرٹس ریگولر، سائنس جنرل گروپس اور خصوصی امیدواروں کے سالانہ امتحانات برائے 2021ء (دوسرے مرحلہ) کے نتائج کا اعلان کردیا ہے۔ چیئرمین انٹربورڈ پروفیسر ڈاکٹر سعید الدین نے نتائج کی تفصیلات بتاتے ہوئے کہا کہ آرٹس ریگولر گروپ کے امتحانات میں 24ہزار 284امیدواروں نے رجسٹریشن حاصل کی اور 22ہزار 890امیدوار امتحانات میں شریک ہوئے۔ان امتحانات میں 20ہزار 979 امیدوارچھ پرچوں میں، 1ہزار 592پانچ پرچوں میں، 297 چار پرچوں میں اور 22 تین پرچوں میں کامیاب قرار پائے۔چیئرمین انٹربورڈ نے مزید بتایا کہ سائنس جنرل گروپ کے امتحانات میں 4ہزار 672 امیدوار وں نے رجسٹریشن حاصل کی جبکہ 4ہزار 609 امیدوار امتحانات میں شریک ہوئے۔ ان امتحانات میں 4ہزار 291امیدوار چھ پرچوں میں، 134امیدوار پانچ پرچوں میں، 166 امیدوارچار پرچوں میں اور 18امیدوارتین پرچوں میں کامیاب ہوئے۔چیئرمین انٹربورڈ پروفیسر ڈاکٹر سعید الدین نے بتایا کہ خصوصی امیدواروں کے امتحانات میں 114امیدواروں نے رجسٹریشن حاصل کی، 113امیدوار امتحانات میں شریک ہوئے۔ ان امتحانات میں 111امیدوار چھ پرچوں میں، ایک امیدوار پانچ پرچوں میں اور ایک امیدوار تین پرچوں میں کامیاب ہوا۔
امتحان کے نتائج دیکھنے کے لیے نیچے دیئے گئے 'ہماری ویب' کے لنک پر کلک کریں۔
نتائج کے لیے یہاں
کلک کریں