سیارہ زہرہ اور سورج کی تصویر کے لیے فوٹو گرافر نے اپنی آنکھیں داؤ پر لگا دیں

image

دنیا کے مشہور فلکیاتی فوٹو گرافر نے اپنے بصارت کو داؤ پر لگاتے ہوئے سورج کے قریب آتے سیارے زہرہ کی دلفریب تصویر کھینچ ڈالی۔

امریکی ریاست ایریزونا سے تعلق رکھنے والے اینڈریو مکارتھی اجرامِ فلک کی تصاویر کھینچتے ہیں اور انہیں @Cosmic_Background کے ہینڈل سے سوشل میڈیا پر شیئر کرتے ہیں۔.

اپنی تازہ ترین تصویر کے لیے، جس میں سیارہ زہرہ سورج سے پانچ ڈگری کی دوری پر ہے، اینڈریو نے اپنی آنکھیں داؤ پر لگا دیں۔

ان کے پاس زمین کے پڑوسی کے اس منظر کو قید کرنے کا کوئی رستہ نہیں تھا، لہٰذا انہوں نے لینس پر ایک فلٹر کا استعمال کرتے ہوئے اس لمحے کو کیمرے کی آنکھ میں بند کیا اور سورج کی روشنی سے اپنی آنکھوں اور ٹیلی اسکوپ دونوں کو بچایا۔

مکارتھی کا کہنا تھا کہ یہ سب سے مشکل شاٹ تھا جس کو لینے  کی انہوں نے کوشش کی ہے۔

انہوں نے مزید کہا کہ اگر انہوں نے شاٹ کو دیکھنے کی کوشش کی ہوتی تو وہ خود کو باآسانی نابینا کر لیتے۔

تازہ ترین تصویر کے لیے مکارتھی سیارے زہرہ کی تصویر اس وقت لینا چاہتے تھے جب وہ مکمل طور پر سورج کی روشنی میں ڈوبا ہوا تھا، لیکن یہ تصویر لینا انتہائی مشکل تھا۔

انہوں نے بتایا کہ زہرہ سورج سے اتنا قریب تھا کہ انہیں تصویر کھینچنے کے دوران اپنی ٹیلی اسکوپ کے سامنے کھڑا ہونا پڑا تاکہ اپنے جسم کے سائے کا استعمال کرتے ہوئے فوکس کی گئی سورج کی روشنی کو بچایا جا سکے۔

انہوں نے مزید کہا کہ کسی بھی غلطی کی صورت میں سورج کی روشنی اسکوپ میں چلی جاتی اور وہ فوری طور پر کیمرا خراب کر دیتی۔

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.