شادی بیاہ کے موقع پر کھانے کے نام پر بے جا اسراف بھی ہوتا ہے۔ اسی کو مد نظر رکھتے ہوئے حکومت پنجاب نے صوبے بھر کے شادی ہالز اور تقریبات میں ون ڈش کی پابندی عائد کردی ہے۔ ہال ایسوسی ایشن کا کہنا ہے کہ انھیں حکومت کی جانب سے جاری کردہ نوڑیفکیشن بھی مل گیا ہے جس میں ون ڈش کے علاوہ ہالز کو 10 بجے بند کرنے کا حکم نامہ بھی شامل ہے۔
ہماری حکومت عام آدمی کی حکومت ہے
اے آر وائی نیوز کے مطابق پنجاب کے وزیرِ اعلیٰ حمزہ شہباز نے حکام کو اس حوالے سے سختی کا حکم دیا ہے۔ حمزہ شہباز کے مطابق تقریبات اور شادیوں میں ون ڈش رکھنے سے غریب اور درمیانے طبقے کے لئے آسانیاں پیدا ہوں گی۔ ان کا کہنا تھا کہ ہماری حکومت عام آدمی کی حکومت ہے ہم ہر وہ کام کریں گے جس سے عام آدمی کی زندگی آسان ہو۔ ون ڈش کی پابندی کا جائزہ وزیرِ اعلیٰ پنجاب خود لیں گے۔